სასირეთი (გაგრძელება)

მარტი 12, 2014 by zurriuss 6 Comments

არ მჯერა, რომ პოსტების წერას მივუბრუნდი. არა, როგორ არ მჯერა, უბრალოდ, სიხარულს ხომ ამ სიტყვებით გამოვხატავთ ხოლმე. 🙂 აი, ოთხი წლის წინ კი, როცა ამ პოსტს ვწერდი, ნამდვილად ვერ წარმოვიდგენდი, თუ ნაგვის თემას კიდევ შევეხებოდი. მაშინ ნაციონალები მართავდნენ ქვეყანას (რაღაც დინასტიურად კი ჟღერს, მაგრამ ახლა შევეშვები) და ყველაფერი ცუდი მაგათი ბრალი იყო. ახლა კი, ყველაფერი “ოცნების” ბრალია. იმიტომ, რომ ისინი არიან ვალდებულნი, ქვეყანა მოაწესრიგონ.

რა თქმა უნდა. ხელისუფლება, ვალდებულია, იზრუნოს:

• ქვეყნის დაცვაზე
• კრიმინალის დონის შემცირებაზე
• სოციალურ საკითხზებზე
• ადამიანთა უფლებებზე და ა.შ.

მაგრამ სახელმწიფომ რა გაგიკეთოს, როცა შენ, ერთი მხრივ, დემოკრატიის პრინციპებისა და ადამიანის უფლებების დაცვას ითხოვ, უმუშევრობაზე ჩივი და ამ დროს, შენი საქციელით ნათლად ასახავ იმას, რომ ზუსტად იქ ხარ, სადაც ყოფნასაც იმსახურებ.

თავისუფლებაზე, პუშკინის სკვერის მიწისქვეშა გადასასვლელში

ნაგვის სისტემატური დამყრელები იტყვიან, რომ ეს სახელმწიფოს ბრალიცაა, რადგან დედაქალაქის დასუფთავება კარგად არ მუშაობს. მე კი გიპასუხებთ, რომ მართლები ხართ. თუმცა, მეორე მხრივ, ეს სულაც არ ათავისუფლებს მოქალაქეებს ნაგვის დაყრისგან. აი, რეალურად რა არის პრობლემა:

• ნაგვის ურნამდე მიტანა გვეზარება. თითქოს სნიკერსის ღაღალდი, 5 წუთის წინ რომ მაღაზიაში თვალი ვერ მოვწყვიტეთ, ახლა ურჩხულად გადაიქცა და თუ დროზე არ მოვიშორეთ, სისხლს გამოგვწოვს.
• თვალი შევაჩვიეთ სიბინძურეს და, რაც დრო გადის, სიგარეტის “ბიჩოკებზე”, ხეების ტოტებზე შერჩენილ ცელოფნის პარკებზე, კორპუსებთან დაყრილ (უკეთეს შემთხვევაში, დადგმულ) ბოთლებზე რეაქცია აღარ გვაქვს.
• გასასამართლებელ საბუთად მოგვყავს “სახელმწიფო უნდა ზრუნავდეს დასუფთავებაზე”.

და მაინც ხალხია დამნაშავე:

• იმიტომ, რომ სახელმწიფოს არ ვთხოვთ დასუფთავების თემის გააქტიურებას.
• იმიტომ, რომ ჯარიმების დაწესება არ გვინდა (სხვანაირად ვერ შეგვაგნებინეს, ღვედზე ჯარიმამ კი გაამართლა).
• იმიტომ, რომ ნაგავში ყოფნა ჩვენი ბუნებრივი მოთხოვნილებაა.

ვცდები? აგერ 🙂

მცხეთა

ახლაც ვცდები?

ჰოდა მითხარით, უნდა დაწესდეს თუ არა ჯარიმა ნაგვის დაყრაზე და რა ოდენობის უნდა იყოს იგი?